Sykje as in profesjonal: Google-sykoperators

Gearfetting

Do brûkst wierskynlik de meast ferneamde sykmasine fan de wrâld alle dagen om dingen te finen, mar miskien kenst do guon fan de avansearre sykoperators net. Mei dizze spesjale sykfrasen kinst do dingen fine dy't oars fersûpe yn de sykresultaten. Lês mei foar in wiidweidige list mei avansearre Google-sykoperators.

Folsleine tekst

Wêrom avansearre sykoperators brûke?

Do freechst dy miskien ôf wêrom do de avansearre sykoperators nedich hast? No, do kinst se brûke om dyn sykopdracht te beheinen ta tige spesifike siden. Dat kin nuttich wêze foar dingen as:

• ûnderwerpûndersyk: As do in bepaald produkt, bedriuw, klup, konkurrint of ûnderwerp kenst en siden fine wolst dy't der mei te meitsjen hawwe, mar net needsaaklik itselde kaaiwurd befetsje. Lykas siden besibbe oan Ajax, de fuotbalklup fan Amsterdam.
• cyberfeiligens-ferkenning: As do in cyberfeiligens spesjalist bist en do in bepaalde side op in opjûn domein fine moatst. Bygelyks om de oanmeldside fan in bepaalde website te finen.
• kaaiwurdanalyse foar sykmasine-optimalisaasje: As do in eigen website of blog hast, kin it tige nuttich wêze om te witten hoe populêr in bepaald kaaiwurd is. Soms makket it kiezen fan it goede kaaiwurd it ferskil yn websiteferkear (en kommersjeel súkses).
• spesifike ôfbyldings fine: As do sykjst nei in spesifike skermôfbylding, foto of yllustraasje kinst do dyn sykopdracht beheine om flugger te krijen wat do wolst. Bygelyks om in swimdiploma fan in bepaald persoan te finen.

"sykfrase"

Fier in sykopdracht út mei in krekte oerienkomst troch de sykfrase tusken oanhalingstekens te setten. Dat kinst do brûke om sykresultaten te ferfine, of om oerienkomsten foar in part út te sluten.

foarbyld: "Willem Laurentz Middelkoop"

AND

Sykje nei sawol X as Y, de resultaten befetsje siden dy't beide kaaiwurden befetsje.

foarbyld: Ronaldo AND Juventus

OR

Sykje nei X of Y, de resultaten befetsje siden dy't ien of beide kaaiwurden befetsje. Do kinst de pipe (|) operator brûke yn plak fan "OR".

foarbyld: Apple | Samsung

Útslute/Min: -

Slút sykresultaten út dy't oerienkomme mei in opjûn wurd of in opjûne frase mei in min derfoar. Dat is nuttich as do spesifyk sykjst nei wat net X of Y is.

foarbyld: Jackson -Michael

define:

Brûk it ynboude wurdboek fan Google om de betsjutting fan in wurd sjen te litten.

foarbyld: define:hacker

cache:

Lit de meast resint trochsocht ferzje fan in opjûne website sjen. Dat kin nuttich wêze as de eigentlike website offline is of koartlyn feroare is. Dit wurket allinnich as de side troch Google yndeksearre is (de measte siden binne dat).

foarbyld: cache:formula1.com

site:

Sykje binnen in opjûne website (of in diel fan in websiteadres).

foarbyld: watch band site:http://www.apple.com

related:

Fyn websites dy't op ien of oare wize besibbe binne oan in opjûne website.

foarbyld: related:ajax.nl

filetype:

Lit allinnich resultaten sjen fan in opjûn bestânstype, lykas PDF, XLSX, TXT of DOCX.

foarbyld: ascii art filetype:txt

intitle:

Lit allinnich siden sjen mei in bepaalde sykfrase yn de titel.

foarbyld: intitle:privacy

allintitle:

As 'intitle', mar lit allinnich siden sjen mei alle opjûne wurden yn de titeltag.

foarbyld: allintitle:privacy statement

intext:

Lit siden sjen dy't earne yn de ynhâld in bepaald wurd befetsje.

foarbyld: intext:abacadabra

allintext

As it intext filter lit dit filter allinnich siden sjen dy't alle wurden op de side befetsje.

foarbyld: allintext:open sesame

inurl:

Fyn siden dy't in opjûn wurd yn har URL hawwe. Dat is handich as do sykjst nei in bepaald soarte side op in website (lykas in upload- of oanmeldside).

foarbyld: inurl:upload

allinurl:

Fergelykber mei 'inurl' lit it 'allinurl' filter allinnich siden sjen dy't alle opjûne wurden yn har URL hawwe.

foarbyld: allinurl:running shoes overview

Konklúzje

Mei dizze avansearre sykfilters kinst do dyn sykopdrachten ôfstimme om mear rjochte resultaten te krijen. Dêrmei fynst do dingen flugger, of dingen dy't oars ûnder de talleaze resultaten fersûpe soene.

As do dizze avansearre sykfilters kombinearrest, kinst do in wiere 'sykninja' wurde. Probearje dizze sykopdrachten foar de wille:

• allinurl:orwell 1984 filetype:pdf om PDF-ferzjes fan it klassike boek 1984 fan George Orwell te finen
• intitle:webcam 7 inurl:8080 -intext:8080 om samar wat online webcams út de hiele wrâld te finen
• allintitle:snake 97 om alles te finen wat oer in bepaald retro tillefoanspultsje skreaun is