Di palu pa mesa

Resumen

Serka di e kas unda mi a nase tabatin un palu di kastanja, pa mal e a muri un aña i mei pasá. Ora nan a kita e, mi ruman a warda un tabla di palu pa mi. Mi tabatin intenshon di traha algu for di dje, un bunita aventura di "do it yourself", ku meresé un artíkulo di blog!

Teksto kompleto

Konsebí un mesa di kama

Mi tabata kier traha algu for di e palu ku mi lo usa hopi bes. Na final e a bira un mesa di kama, un mesa chikí banda di mi kama. Pa hasi e kos interesante mi a pone algun meta di desèño:

• usa henter e tabla di palu
• no usa tornijo of metal pa e struktura
• e "palu" mester ta visibel den e resultado final
• mas o menos 50 sentimeter haltu

Antes di hasi kualkier kos mi a midi e tabla di palu. Ku e midinan mi a traha un desèño ku lo usa e forma sirkular di e tabla pa alkansá e altura apropiá.

E tabla tabatin un skarcha grandi ku mi tabatin ku evitá. Basikamente e desèño ta korta e tabla den kuater pida (presis riba e skarcha). E pidanan ta wòrdu pegá huntu pa krea un "tabla dobla". Si e sali bon, e idea tabata, mi no lo tin nesesidat di ningun pida di metal pa sostené e struktura...

Haña e tabla suave

Mi ruman a usa un sierra di motor pa duna mi e tabla aki di palu di kastanja. E sierra di motor a laga hopi marka riba e palu ku mi tabatin ku hasi suave.

Mi a usa un Bosch Multitool pa será i lihá e superfisie. Despues di algun ora di trabou, tur dos banda di e palu tabata suave sufisiente pa será e tabla den e pida ku e desèño a señalá.

Pega nan huntu

Di akuerdo ku e desèño mi tabata kier konektá e pidanan sin ningun medio visibel, ningun tornijo of pida di metal.

Mi a traha buraku i usa klavènan di palu pa logra sufisiente fuersa (huntu ku kola).

Despues di pega e dos pida angulá, mi a laga nan seka den solo di tardi.

Lak transparente

Komo produkto di naturalesa, palu tin un tekstura interesante pa su benanan. Den e palu spesífiko aki bo por mira e "anjanan di kresementu" den e palu. Pa motibu di kambio di temporada i tempu, e velosidat ku e palu ta krese ta varia di bes pa bes. Mi tabata kier mantené e liñanan aki di bida i mi a skohe un lak transparente.

Bes pa bes

Despues di pone e lak mi a lihá e superfisie bes pa bes. Kada bes mi a usa un papel di lihá mas fini; mi a kuminsá ku 60 i mi a sigui te 400.

Resultado

Hopi ora despues e resultado ta un mesa di kama ku un superfisie hopi suave den un desèño original.

Mi a monta tres rueda pa move ku fasilidat (i algu di altura adishonal). Mi a skohe tres pa evitá ku e mesa shaka. Mi a usa anel di metal pa por ahustá e angulonan fino (pasobra e tabla di palu no ta perfekto plat).

Tabata un eksperensia interesante pa traha algu di palu "do it yourself". Djis tuma bo tempu i no apurá bo mes. Mi a diverti hopi i mi por rekomendá esaki na tur hende. De fakto mi a diverti asina tantu ku ta posibel ku mi lo hasi e di nobo!