Mantenimentu di un robot aspiradó

Resumen

Na 2011 mi a kumpra un robot aspiradó iRobot Roomba 555 pa limpia mi apartamentu su mes. Ta un robotchi redondo ku ta rondoná i supa buraña di stòf. Den e añanan e a lucha ku balentia kontra e peliglonan di mi apartamentu... zapatunan, kabelnan, tapete i kordonnan. E a sobrevivi i e ta traha ainda perfektamente! Esaki siman tabata tempu pa un poko mantenimentu.

Teksto kompleto

iRobot

Na 2002 iRobot a lansa e robot aspiradó Roomba. E Roomba por kambia di direkshon ora e topa ku un obstákulo, e ta deteksioná lugánan sushi riba piso i e ta evitá di kai for di trapi. E kompania iRobot a wòrdu fundá na 1990 pa tres robotista ku nòmber Colin Angle, Helen Greiner i Rodney Brooks. Na prinsipio e kompania tabata dediká na traha robot pa uso militar.

Awendia iRobot ta dediká henter su mes na robotnan pa konsumidó. Pero mi ta stima ainda e idea ku tin un poko presishon i resistensia militar den mi aspiradó.

Kansá di aspira mi mes, na 2011 mi tabata buska un poko yudansa robótiko ku e buraña di stòf. Mi tabatin suerte di haña un tenda na Amsterdam ku tabata vende un di e promé robotnan aspiradó disponibel na Hulanda: e iRobot Roomba 555.

Supando (stòf) for di 2011

Diferente di algun otro produktonan di konsumo, e iRobot Roomba ta un pida di tékniko resistente, si bo kuida dje. Mi ta duna dje servisio regular for di ku e a kuminsá su trabou na 2011.

Mantenimentu di e iRobot Roomba

Pa mantené e robot operashonal bo mester asigurá ku e no keda pega. Ta rekomendá pa hasi mantenimentu i limpiesa periódiko. Mi lo mustra bo kon pa hasi esaki ku instrukshon pasu pa pasu. Bo ta nesesitá:

• un destornijadó di krus (+)
• un destornijadó plat (-) (o un kuchú chikitu)
• un otro aspiradó
• un tiki tempu i pasenshi

Disclaimer: Mi no ta responsabel pa daño na bo amigu robot, si bo purba di mantenimentu fayá. Posibel ku bo ta kansela garantia mientras bo ta hasié...

Esaki mester ta bo mantenimentu estándar: kita e stòf for di fondo di bo robot ku e otro aspiradó. Nos lo yega na e kontenedó di stòf, e filter i e borchinan mas lat.

E robot ta nabegá ku sensornan infrarojo. Nan ta situá tras di 'bentananan' transparente banda di e rant di e robot. Bo mester limpia nan bon pa nan funshoná na nan mihó.

E rueda di dilanti di e robot tin un patron blanku i pretu. Loke bo kisas no sa ta ku tin un sensor situá bou di e rueda ku ta skan e patron di 'kla/skur' pa deteksioná movimentu.

Despues di hopi ora di aspira, normal tin un poko stòf riba dje. Limpia dje, tambe e base di e rueda. Si bo kier, bo por kita e rueda i limpia su lagernan.

Despues di e promé aña di servisio mi Roomba a kuminsá pèrdè su rueda original di dilanti ora e topa ku bultu... Su as a bira flou. Mi a remplasá dje ku un ku mi a haña riba Ebay ku ta usa un tornio pa fihá.

E próksimo pasu ta kita pelo i sushidat for di e borchinan. Wak bon tur dos kantu di kada borchi. Kita e tapanan i wak bou di nan. Usa un destornijadó (o un kuchú chikitu) pa kòrta e pelonan lòs.

Pa kita e otro borchi ku ta gira mester lòs un tornio. Usa e destornijadó chikitu pa lòs dje for di su as sentral. Bo ta sorprendé ku kuantu sushidat por skonde bou di dje...

Mientras e ta aspira, e robot ta rekohe stòf fini paden. Di bes en kuando mi ta kita e tapa di fondo pa limpia e paden bon bon. E Roomba ta un robot amigable pa mantenimentu: e tornionan nesesario pa kita e tapa di fondo ta marká kla ku un triángulo.

Ora bo a kita e tapa di fondo, bo ta haña mas stòf i sushidat. Segun kuantu tempu bo Roomba ta den servisio, esaki por ta un bela kantidat! Wak rònt kantunan i serka di e bases di e ruedanan.

Despues di hopi aña di servisio fiel, bo por spera ku e bateria perde su kapasidat. Tarda òf temprano esaki ta hasi ku e robot keda sin kurrente hopi lihé. Ta balé la pena di sigur pa kumpra un bateria di remplasamentu. Mi a haña un original iRobot XLife Extended Life Battery.

Otro parti ku di bes en kuando mester servisio ta e kabes di limpiesa. Bo por yega na dje si bo kita henter e karkasa ku ta kontené e borchinan. Stòf por akumulá serka di e motor i kousa posibel problema di kalor. Ora bo a kita dje, bira dje i lucha ku e buraña di stòf ku bo ta topa!

Ultimo pero no menos importante ta e kontenedó di stòf i e filter. Komo hulandes (i un tiki pichiri, alias 'ons bent zuunig') mi no ta remplasá e filter, ma mi ta limpia dje. Bo no ta kere, ma esaki ta e filter original, den servisio for di 2011. Òf anto, iRobot lo vende ku gusto bo filternan di remplasamentu pa $40.

Pon tur kos bèk huntu i kontrolá si e ruedanan i borchinan no ta bloké. Bira e robot, i bo Roomba ta kla pa akshon atrobe!

Konklushon

E ta tuma algun tempu i energia, pero no ta tèlkos difísil pa hasi mantenimentu na bo robot aspiradó. Ora bo a hasié pa promé bes, ta hopi fásil pa hasié di nobo. Bo amigu robótiko lo ta agradesido!